നേപ്പാളിലെ പ്രളയക്കെടുതി; 275 ഇന്ത്യക്കാരെ കാണാനില്ല: രക്ഷാപ്രവര്‍ത്തനം തുടരുന്നു

കാഠ്മണ്ഡു: നേപ്പാളിലുണ്ടായ കനത്ത മിന്നല്‍ പ്രളയത്തില്‍ 275 ഇന്ത്യക്കാരെ ഇപ്പോഴും കണ്ടെത്താന്‍ കഴിഞ്ഞില്ലെന്ന് വിദേശകാര്യ മന്ത്രാലയം അറിയിച്ചു. ദുരന്തത്തില്‍ കാണാതായ ഇന്ത്യക്കാരില്‍ കൈലാസ് മാനസസരോവര്‍ തീര്‍ഥാടകരും ജല വൈദ്യുത നിലയങ്ങളില്‍ ജോലിചെയ്യുന്നവരും ഉള്‍പ്പെടുന്നതായി മാധ്യമങ്ങള്‍ റിപ്പോര്‍ട്ട് ചെയ്തു. രക്ഷാപ്രവര്‍ത്തനം അഞ്ചാം ദിവസവും തുടരുമ്പോള്‍ കാണാതായവര്‍ക്കുള്ള തിരച്ചില്‍ ഊര്‍ജിതമാക്കിയിരിക്കുകയാണ്. നേപ്പാളിലെ വിവിധ മേഖലകളില്‍ ഉണ്ടായിരിക്കുന്ന പ്രളയത്തിലും മണ്ണിടിച്ചലിലും വ്യാപകമായ നാശനഷ്ടമാണ് റിപ്പോര്‍ട്ട് ചെയ്തിരിക്കുന്നത്. നിരവധി റോഡുകളും പാലങ്ങളും തകര്‍ന്നതോടെ ദുരന്തബാധിത പ്രദേശങ്ങളിലേക്കുള്ള ഗതാഗതവും ആശയവിനിമയവും തടസപ്പെട്ടതായും റിപ്പോര്‍ട്ടില്‍ പറയുന്നു. […]

Source link