తెలంగాణ పబ్లిక్ సర్వీస్ కమిషన్ (TGPSC) వివిధ ఉద్యోగాల భర్తీ కోసం రిక్రూట్మెంట్ పరీక్షల షెడ్యూల్ను అధికారికంగా విడుదల చేసింది. ఈ షెడ్యూల్ ప్రకారం తెలంగాణ కాలుష్య నియంత్రణ మండలిలో అసిస్టెంట్ సైంటిస్ట్ (అనలిస్ట్ గ్రేడ్-II) పోస్టుకు అక్టోబర్ 24వ తేదీన కంప్యూటర్ ఆధారిత పరీక్ష (CBT) నిర్వహించబడుతుంది. అలాగే అదే మండలిలో అసిస్టెంట్ ఎన్విరాన్మెంటల్ ఇంజనీర్ పోస్టుల భర్తీకి అక్టోబర్ 26వ తేదీన సీబీటీ విధానంలో పరీక్ష జరగనుంది.
రోడ్లు, భవనాల శాఖలో అసిస్టెంట్ ఎగ్జిక్యూటివ్ ఇంజనీర్స్ (సివిల్) పోస్టులకు నవంబర్ 6, 7 తేదీలలో పరీక్షలు ఉంటాయని షెడ్యూల్లో పేర్కొన్నారు. పాఠశాల విద్యాశాఖ పరిధిలోని డిప్యూటీ ఎడ్యుకేషనల్ ఆఫీసర్స్, గెజిటెడ్ హెడ్ మాస్టర్ గ్రేడ్-I పోస్టుల కోసం నవంబర్ 12, 13 తేదీలలో కంప్యూటర్ ఆధారిత రాత పరీక్షలు నిర్వహించబడతాయి. అభ్యర్థులు ఈ వివరాలన్నింటిని గమనించి పరీక్షలకు తగిన విధంగా సిద్ధం కావాలని టీజీపీఎస్సీ కోరింది. ఈ పరీక్షలన్నింటిని పూర్తిగా కంప్యూటర్ ఆధారిత పరీక్ష (CBT) పద్ధతిలోనే నిర్వహించనున్నట్లు స్పష్టం ప్రెస్ నోట్ ద్వారా టీజీపీఎస్సీ స్పష్టం చేసింది.
