రాష్ట్రంలోని ఇంజినీరింగ్ కాలేజీల్లో సీట్ల కేటాయింపు కోసం ఈఏపీసెట్ కౌన్సెలింగ్ ప్రక్రియ కొనసాగుతోంది. ఇంజనీరింగ్ కళాశాలల్లో అందుబాటులో ఉన్న సీట్ల వివరాలను కన్వీనర్, సాంకేతిక విద్యా కమిషనర్ శ్రీదేవసేన, ఐఏఎస్ విడుదల చేశారు. సర్టిఫికెట్ల పరిశీలనకు చివరి తేదీ జూలై 8 కాగా.. జూలై 6 నుంచి10 వరకు ఆప్షన్లు ఎంపిక చేసుకోవచ్చు. ఇప్పటివరకు 95,654 మంది అభ్యర్థులు ప్రాసెసింగ్ ఫీజు చెల్లించి స్లాట్ బుక్ చేసుకోగా, 76,494 మంది అభ్యర్థులు సర్టిఫికెట్ల పరిశీలనకు హాజరయ్యారు. మొత్తం 21 యూనివర్సిటీ, కాన్‌స్టిట్యూయెంట్ ఇంజనీరింగ్ కళాశాలల్లో 5,808 సీట్లు అందుబాటులో ఉన్నాయి. అభ్యర్థులు మొదటి విడతలోనే మంచి కళాశాల, కోర్సులో సీటు పొందడానికి వీలైనన్ని ఎక్కువ ఆప్షన్లను ఎంచుకోవాలని కోరారు.
కళాశాలలు, సీట్ల వివరాలు:
యూనివర్సిటీ, కాన్‌స్టిట్యూయెంట్ ఇంజనీరింగ్ కళాశాలలు:
* ఉస్మానియా యూనివర్సిటీ (OU): 2 కళాశాలల్లో 630 సీట్లు
*జేఎన్‌టీయూహెచ్ (JNTUH): 9 కళాశాలల్లో 3,210 సీట్లు
* కాకతీయ యూనివర్సిటీ (KU): 2 కళాశాలల్లో 780 సీట్లు
* మహాత్మా గాంధీ యూనివర్సిటీ: 1 కళాశాలలో 240 సీట్లు
* జేఎన్‌ఎఫ్‌ఏయూ (JNAFAU): 1 కళాశాలలో 160 సీట్లు
* ప్రొ. జయశంకర్ తెలంగాణ రాష్ట్ర అగ్రికల్చరల్ యూనివర్సిటీ: 2 కళాశాలల్లో 45 సీట్లు
* పి.వి. నరసింహారావు తెలంగాణ వెటర్నరీ యూనివర్సిటీ: 1 కళాశాలలో 23 సీట్లు
* పాలమూరు యూనివర్సిటీ (కొత్త): 1 కళాశాలలో 180 సీట్లు
* శాతవాహన యూనివర్సిటీ (కొత్త): 1 కళాశాలలో 240 సీట్లు
* ఎర్త్ సైన్సెస్ యూనివర్సిటీ తెలంగాణ (కొత్త): 1 కళాశాలలో 300 సీట్లు
ప్రైవేట్ యూనివర్సిటీలు:
2 ప్రైవేట్ యూనివర్సిటీలలో 1,800 సీట్లు అందుబాటులో ఉండగా, కన్వీనర్ కోటాలో 1,260 సీట్లు ఉన్నాయి. ప్రైవేట్ అన్‌ఎయిడెడ్ ఇంజనీరింగ్ కళాశాలలు (కన్వీనర్ SW-I కింద): మొత్తం 148 ప్రైవేట్ అన్‌ఎయిడెడ్ ఇంజనీరింగ్ కళాశాలల్లో 99,610 సీట్లు అందుబాటులో ఉన్నాయి. వీటిలో కన్వీనర్ కోటా (70%) కింద 69,727 సీట్లు ఉన్నాయి.
* ఓయూ అనుబంధంగా: 14 కళాశాలల్లో 10,230 సీట్లు (కన్వీనర్ కోటా 7,161)
*జేఎన్‌టీయూహెచ్ అనుబంధంగా: 130 కళాశాలల్లో 87,804 సీట్లు (కన్వీనర్ కోటా 61,463)
* కేయూ అనుబంధంగా: 4 కళాశాలల్లో 1,576 సీట్లు (కన్వీనర్ కోటా 1,103)
మొత్తం ఇంజనీరింగ్ సీట్లు (యూనివర్సిటీలు & ప్రైవేట్ యూనివర్సిటీలతో కలిపి):
యూనివర్సిటీలు, వాటి కాన్‌స్టిట్యూయెంట్ కళాశాలలు, ప్రైవేట్ యూనివర్సిటీలలో కలిపి 7,608 సీట్లు (కన్వీనర్ కోటా 7,068) ఉన్నాయి.
గ్రాండ్ టోటల్: మొత్తం 171 కళాశాలల్లో 1,07,218 సీట్లు అందుబాటులో ఉండగా, కన్వీనర్ కోటాలో 76,795 సీట్లు ఉన్నాయి.
బ్రాంచ్‌ల వారీగా అందుబాటులో ఉన్న కన్వీనర్ సీట్లు:
మొత్తం 76,795 కన్వీనర్ సీట్లు వివిధ బ్రాంచ్‌లలో అందుబాటులో ఉన్నాయి.
ముఖ్యమైన బ్రాంచ్‌లలో అందుబాటులో ఉన్న సీట్లు:
* కంప్యూటర్ సైన్స్ అండ్ ఇంజనీరింగ్ (CSE): 26,150 సీట్లు
* కంప్యూటర్ సైన్స్ అండ్ ఇంజనీరింగ్ (ఆర్టిఫిషియల్ ఇంటెలిజెన్స్ అండ్ మెషిన్ లెర్నింగ్): 12,495 సీట్లు
* ఎలక్ట్రానిక్స్ అండ్ కమ్యూనికేషన్ ఇంజనీరింగ్ (ECE): 10,125 సీట్లు
* కంప్యూటర్ సైన్స్ అండ్ ఇంజనీరింగ్ (డేటా సైన్స్): 6,996 సీట్లు
* ఎలక్ట్రికల్ అండ్ ఎలక్ట్రానిక్స్ ఇంజనీరింగ్ (EEE): 4,301 సీట్లు
* ఇన్ఫర్మేషన్ టెక్నాలజీ (INF): 3,681 సీట్లు
* సివిల్ ఇంజనీరింగ్ (CIV): 3,129 సీట్లు
* మెకానికల్ ఇంజనీరింగ్ (MEC): 2,994 సీట్లు
