ஆதார் கார்டும், பான் கார்டும் இணைக்க வேண்டும். அப்படியில்லை என்றால், பான் கார்டு செல்லாது என்று மத்திய அரசு தொடர்ந்து வலியுறுத்தி வருகிறது.
இந்த வலியுறுத்தல் எப்போது முக்கியமோ, இல்லையோ, இப்போது இதை கட்டாயம் கவனிக்க வேண்டும்.
வருமான வரி ரீஃபண்ட், அதற்கான வரி, TDS போன்றவற்றிற்கு பான் கார்டு மிக மிக முக்கியம். அதனால், இப்போதாவது பான் கார்டை ஆதார் கார்டுடன் இணைத்துவிடுவது நல்லது.
ஒருவேளை, இணைக்காமல், பான் கார்டு செல்லாமல் போய்விட்டால், ரீஃபண்டிற்கு நாம் தான் படாதபாடு பட வேண்டியதாக இருக்கும்.
ஆதார் – பான் இணைப்பிற்கான இலவச காலக்கெடு முடிந்துவிட்டாலும், இப்போது கட்டணம் செலுத்தி ஆதார் – பான் இணைக்க முடியும்.
அது எப்படி?
ஆதார் – பான் கார்டை இணைப்பதற்கு முன், அதற்கான கட்டணத்தை முதலில் கட்ட வேண்டும். அதற்கான நடைமுறை…
> e-filing வலைதளத்திற்குள் செல்லவும்.
> ‘Home’ பேஜில் உள்ள ‘Quick Links’-ல் உள்ள ‘Link Aadhaar’-ஐ கிளிக் செய்யவும்.
> அதில் பான் மற்றும் ஆதார் விவரங்களைப் பதிவிட்டு, ‘Validate’-ஐ தேர்ந்தெடுக்கவும்.
> அதன் பிறகு வரும் ‘Continue to Pay Through e-Pay Tax’ ஆப்ஷனை தொடவும்.
> இப்போது பான் எண் மற்றும் மொபைல் எண்ணை உள்ளிடவும். இப்போது OTP வரும். அதை பதிவிட்டப் பிறகு, ‘e-Pay Tax’ பகுதிக்குள் செல்லவும்.
> தற்போதைய நடப்பு வரி ஆண்டு அல்லது நிதியாண்டைத் தேர்ந்தெடுக்கவும்.
> இங்கே Tax Payment > Fee for delay in Linking PAN with Aadhaar கொடுக்கவும்.
> இங்கே தானாகவே கட்டணத் தொகையாக ரூ.1,000 நிரப்பப்பட்டிருக்கும். உங்களுக்கு தோதான பேமெண்ட் முறையை கிளிக் செய்து பேமெண்ட் பண்ணவும்.
இதன் பிறகு தான், ஆதார் – பான் எண்ணை இணைக்க முடியும்.
> இப்போது மீண்டும் e-filing-ன் ஹோம் பேஜிற்குள் வரவும்.
> Quick Links > Link Aadhar-ஐ கிளிக் செய்யவும்.
> பான், ஆதார் எண்ணை பதிவிட்டு, ‘Validate’ கொடுக்கவும்.
> கட்டண விவரங்கள் சரிபார்க்கப்பட்டதும், ‘Continue’-ஐ கிளிக் செய்யுங்கள்.
> அங்கே கேட்கும் தகவல்களை உள்ளிட்டு ‘Submit’ கொடுக்கவும்.
> இப்போது பதிவு செய்யப்பட்ட மொபைல் எண்ணுக்கு OTP வரும். அதை உள்ளிட்டு கொள்ளவும்.
> இதன் பிறகு, ஆதார் – பான் இணைப்பிற்கான கோரிக்கை வெற்றிகரமாக Submit ஆகி விடும்.
ஆதார் – பான் இணைப்பு சில மணிநேரங்கள் முதல் 7 வேலை நாள்களுக்கு ஆகிவிடும். இணைப்பு முடிந்துவிட்டதா என்பதை தெரிந்துகொள்ள…
> மீண்டும் e-filing வலைதளம்.
> Quick Links > Link Aadhaar/View Status ஆப்ஷனைத் தேர்ந்தெடுக்கவும்.
> பான், ஆதார் எண்களை உள்ளிடவும்.
> ‘View Link Aadhaar Status’-ஐ தேர்ந்தெடுத்தால், லிங்க் ஸ்டேட்டஸ் தெரிந்துவிடும்.
