West Bengal Election Results: పశ్చిమ బెంగాల్ ఎన్నికల ఫలితాలు అడుగడుగున ఉత్కంఠకు కలుగజేస్తున్నాయి. టీఎంసీ, బీజేపీ మధ్య ఆధిక్యం క్షణక్షణానికి మారుతోంది. అయితే, చాలా వరకు బీజేపీ టీఎంసీ కన్నా లీడింగ్లో కనిపిస్తోంది. ప్రస్తుతం ఉన్న ట్రెండ్స్ ప్రకారం, బీజేపీ బెంగాల్లో మ్యాజిక్ ఫిగర్ దాటింది. మొత్తం 294 స్థానాలకు గానూ, 293 అసెంబ్లీలకు ఓట్ల లెక్కింపు జరుగుతోంది. చాలా స్థానాల్లో బీజేపీ అభ్యర్థులు లీడింగ్లో కొనసాగుతున్నారు.
ఎర్లీ ట్రెండ్స్ ప్రకారం, బీజేపీ 155 స్థానాల్లో లీడింగ్లో ఉంది. టీఎంసీ 121 స్థానాల్లో ముందంజలో ఉంది. కాంగ్రెస్ 4, లెఫ్ట్ 3, ఇతరులు రెండు చోట్ల ఆధిక్యంలో ఉన్నారు. రాష్ట్రంలో అత్యంత ప్రతిష్టాత్మక సీటు అయిన భవానీపూర్లో బీజేపీ, టీఎంసీ మధ్య టఫ్ ఫైట్ నెలకొంది. ఈ స్థానంలో నుంచి సీఎం మమతా బెనర్జీ పోటీ చేస్తున్నారు. ఆమెకు వ్యతిరేకంగా బీజేపీ నుంచి సువేందు అధికారి బరిలో ఉన్నారు. ఈ స్థానంలో మమతా బెనర్జీపై సువేందు పైచేయి సాధిస్తున్నట్లు ఎర్లీ ట్రెండ్స్ సూచిస్తున్నాయి. సువేందు పోటీ చేస్తున్న నందిగ్రామ్లో కూడా లీడింగ్లో ఉన్నారు.
