Road Accident: కెనడాలోని బ్రిటిష్ కొలంబియాలో జరిగిన ఘోర రోడ్డు ప్రమాదం ఇప్పుడు ప్రపంచ వ్యాప్తంగా ఆశ్చర్యానికి గురి చేస్తుంది. సరీ-డెల్టా సరిహద్దు ప్రాంతంలో జరిగిన ఈ ప్రమాదంలో ఓ మోటార్సైకిల్ ట్రాఫిక్ సిగ్నల్ పైకి ఎగిరి వేలాడుతూ కనిపించడం ఇప్పుడు అందరినీ ఆశ్చర్యానికి గురిచేస్తుంది. ఈ ప్రమాదంలో బైక్ రైడర్ తీవ్రంగా గాయపడగా, అతడిని వెంటనే ఆసుపత్రికి తరలించారు స్థానికులు. పోలీసుల సమాచారం ప్రకారం.. శనివారం మధ్యాహ్నం 3 గంటల సమయంలో స్కాట్ రోడ్, 72వ అవెన్యూ, 120వ స్ట్రీట్ జంక్షన్ వద్ద కారు-బైక్ ఢీకొన్నాయి. ప్రమాద తీవ్రత ఎక్కువగా ఉండటంతో మోటార్సైకిల్ గాల్లోకి ఎగిరి ట్రాఫిక్ సిగ్నల్ పోల్కు చిక్కుకుని వేలాడుతూ నిలిచిపోయింది.
ఈ విచిత్ర దృశ్యానికి సంబంధించిన ఫోటోలు, వీడియోలు ఇప్పుడు సోషల్ మీడియాలో వైరల్గా మారాయి. రోడ్డుపై ప్రయాణిస్తున్నవారు ఒక్కసారిగా ఆగి పైకి వేలాడుతున్న బైక్ను చూసి ఆశ్చర్యపోతున్నారు. ప్రమాద స్థలానికి చేరుకున్న అత్యవసర సిబ్బంది పరిస్థితిని అదుపులోకి తీసుకుని బైక్ను కిందికి దించే ప్రయత్నాలు చేపట్టారు. ఇక ఈ ఘటనను ప్రత్యక్షంగా చూసిన స్థానికుడు విలియం చాన్ మాట్లాడుతూ.. మొదట రోడ్డుమధ్యలో ధ్వంసమైన కారును చూశానని, తర్వాత పైకి చూసి ట్రాఫిక్ సిగ్నల్కు వేలాడుతున్న బైక్ను చూసి షాక్ అయ్యానని తెలిపాడు.
డెల్టా పోలీస్ విభాగం తెలిపిన వివరాల ప్రకారం.. బైక్ రైడర్కు తీవ్ర గాయాలు అయినప్పటికీ ప్రాణాపాయం లేదని వెల్లడించారు. కారులో ఉన్న డ్రైవర్కు ఎలాంటి గాయాలు కాలేదని తెలిపారు. ప్రమాదం తర్వాత స్కాట్ రోడ్ను 70వ అవెన్యూ నుంచి 72వ అవెన్యూ వరకు పూర్తిగా మూసివేశారు. రోడ్డుపై పడిన శిథిలాలను తొలగించి ట్రాఫిక్ను పునరుద్ధరించేందుకు అధికారులు గంటల పాటు శ్రమించారు. ఇక వీడియోలు, ఫోటోలు చూసిన వారు అసలు ఆ బైకు అంత ఎత్తులో నిలబెట్టావ్ బాస్ అంటూ తెగ కామెంట్స్ చేస్తున్నారు.
NEW: Motorcycle ends up dangling from a traffic signal pole following a crash in Canada near the Surrey-Delta border.
The bike appeared to launch into the air at the light after colliding with the front end of a BMW in an intersection.
According to police, the rider… pic.twitter.com/xalFUvnK68
— Collin Rugg (@CollinRugg) May 10, 2026
Here's the footage. pic.twitter.com/dvLrJYqdke
— Action
Jaxon (@the1Jax) May 10, 2026
