vivo T5 Pro 5G Launch: వివో నుండి కొత్త T5 సిరీస్లో భాగంగా వివో T5 ప్రో 5G (vivo T5 Pro 5G) స్మార్ట్ఫోన్ ను భారత మార్కెట్లో అధికారికంగా లాంచ్ చేసింది. ఈ ఫోన్ ప్రీమియం ఫీచర్లతో వినియోగదారులను ఆకట్టుకునేలా రూపొందించబడింది. ముఖ్యంగా భారీ బ్యాటరీ, హై రిఫ్రెష్ రేట్ డిస్ప్లే, మంచి ప్రాసెసర్ వంటి అంశాలు ఈ ఫోన్ను ప్రత్యేకంగా నెంచుకొనేలా చేస్తున్నాయి.
AP Census 2027: ఏపీలో సెన్సస్ 2027కు శ్రీకారం.. రేపటి నుంచి హౌస్ లిస్టింగ్ ప్రారంభం.!
వివో T5 ప్రో 5Gలో 6.83 అంగుళాల 1.5K AMOLED డిస్ప్లేను అందించారు. ఇది 144Hz రిఫ్రెష్ రేట్, HDR10+ సపోర్ట్తో పాటు గరిష్టంగా 5000 నిట్స్ బ్రైట్నెస్ను అందిస్తుంది. అలాగే ఇందులోని 2160Hz PWM డిమ్మింగ్తో కళ్లకు తక్కువ ఒత్తిడి కలిగేలా డిజైన్ చేశారు. ఈ ఫోన్ లో పర్ఫార్మెన్స్ కోసం Snapdragon 7s Gen 4 ప్రాసెసర్ ను ఉపయోగించారు. ఇది 4nm టెక్నాలజీపై ఆధారపడి సుమారు 1.2 మిలియన్ AnTuTu స్కోర్ను సాధిస్తుందని కంపెనీ తెలిపింది. అలాగే 7K VC కూలింగ్ సిస్టమ్ ను కూడా ఇందులో ఉంచారు. దీనితో గేమింగ్ సమయంలో హీట్ కంట్రోల్ను మెరుగుపరిచారు. ఈ ఫోన్ 120FPS వరకు గేమింగ్ అనుభవాన్ని అందిస్తుంది.
కొత్త మొబైల్ లో కెమెరా విషయానికి వస్తే.. ఇందులో 50MP ప్రధాన కెమెరా (Sony IMX882 సెన్సర్, OISతో), 2MP డెప్త్ సెన్సర్ ఉన్నాయి. సెల్ఫీల కోసం 32MP ఫ్రంట్ కెమెరాను అందించారు. వీడియో రికార్డింగ్ కోసం 4K సపోర్ట్ కూడా ఉంది. ఇంకా ఈ స్మార్ట్ ఫోన్ ఆండ్రాయిడ్ 16 ఆధారిత OriginOS 6పై పనిచేస్తుంది. దీనికి 3 సంవత్సరాల OS అప్డేట్స్, 5 సంవత్సరాల సెక్యూరిటీ అప్డేట్స్ను కంపెనీ హామీ ఇచ్చింది. అలాగే ఈ మొబైల్ IP68, IP69 వాటర్ అండ్ డస్ట్ రెసిస్టెన్స్, MIL-STD-810H మిలిటరీ గ్రేడ్ డ్యూరబిలిటీతో బలమైన నిర్మాణాన్ని కలిగి ఉంది.
మొబైల్ లో ప్రత్యేకంగా చెప్పుకోవాల్సింది 9020mAh భారీ బ్యాటరీ. దీనికి 90W ఫాస్ట్ చార్జింగ్ సపోర్ట్తో కేవలం 37 నిమిషాల్లో 50% వరకు చార్జ్ అవుతుందని కంపెనీ తెలిపింది. భారీ బ్యాటరీ ఉన్నప్పటికీ ఫోన్ మందం కేవలం 8.25mm మాత్రమే ఉండటం విశేషం. అంతేకాదు ఐదు సంవత్సరాల బ్యాటరీ హెల్త్ గ్యారంటీని కూడా అందిస్తున్నారు. ధరల విషయానికి వస్తే ఈ ఫోన్ 3 వేరియంట్లలో అందుబాటులోకి వచ్చింది. 8GB + 128GB వేరియంట్ ధర రూ. 29,999గా నిర్ణయించారు. 8GB + 256GB వేరియంట్ రూ. 33,999 కాగా, 12GB + 256GB టాప్ మోడల్ ధర రూ. 39,999గా ఉంది. ఈ ఫోన్ కాస్మిక్ బ్లాక్, గ్లేసియర్ బ్లూ రంగులలో లభిస్తుంది.
Vijay: డీలిమిటేషన్తో తమిళనాడుకు నష్టం.. పక్షపాత చర్య వద్దని విజయ్ హితవు
ఈ మొబైల్స్ ఏప్రిల్ 21 నుంచి ఫ్లిప్కార్ట్, వివో ఇండియా ఈ స్టోర్, అలాగే ఆఫ్లైన్ స్టోర్లలో అమ్మకాలకు అందుబాటులోకి రానుంది. ప్రారంభ ఆఫర్లలో భాగంగా Axis, HDFC, SBI బ్యాంక్ కార్డులతో రూ. 3,000 వరకు ఇన్స్టంట్ డిస్కౌంట్ లేదా ఎక్స్చేంజ్ బోనస్ అందిస్తున్నారు. అలాగే 6 నెలల వరకు నో-కాస్ట్ EMI ఆప్షన్ కూడా ఉంది.
