బాలీవుడ్ మరియు టాలీవుడ్లో తనకంటూ ఒక ప్రత్యేక గుర్తింపు తెచ్చుకున్న నటి మృణాల్ ఠాకూర్, ఇటీవల తన వ్యక్తిగత జీవితానికి సంబంధించిన ఒక ఆసక్తికరమైన విషయాన్ని బయటపెట్టింది. తన కెరీర్ ఆరంభంలో ‘సూపర్ 30’ సినిమా షూటింగ్ సమయంలో తన మాజీ ప్రియుడు ఎదుర్కొన్న అభద్రతా భావం (Insecurity) గురించి ఆమె షేర్ చేసుకుంది.
బాలీవుడ్ లో ఓ ఇంటర్వ్యూలో మాట్లాడుతూ ‘ హృతిక్ రోషన్ సరసన ‘సూపర్ 30′ చిత్రంలో నటిస్తున్న సమయంలో, నా బాయ్ ఫ్రెండ్ చాలా ఆందోళనకు గురయ్యాడు. హృతిక్ వంటి అందగాళ్లు, ఫిట్గా ఉండే వ్యక్తుల మధ్య మృణాల్ షూటింగ్ చేస్తోందని తెలిసి, అతను తనను తాను నిరూపించుకోవాలని ప్రయత్నించాడు. నన్నుఎక్కడ కోల్పోతానో అన్న భయంతో అతను కష్టపడి వర్కవుట్స్ చేయడం మొదలుపెట్టాడు. ఈ క్రమంలోనే అతను ఏకంగా 15 నుండి 17 కేజీల బరువు తగ్గి, మంచి కండరాలు పెంచి ఫిట్గా తయారయ్యాడు. అయితే, ఈ మార్పు ఎంతో కాలం కొనసాగలేదు. కొన్నాళ్ల తర్వాత అతను అకస్మాత్తుగా వ్యాయామం చేయడం మానేసి, విపరీతంగా తినడం మొదలుపెట్టాడు. దీనివల్ల అతను మళ్ళీ 20 కేజీల బరువు పెరిగాడు. అతని ప్రవర్తనలో వచ్చిన ఈ మార్పును చూసి నేను చాలా ఆశ్చర్యపోయను “ఏమైంది? ఎందుకు ఇలా చేస్తున్నావు?” అని ప్రశ్నించగా.. అతను ఎంతో నిరాశగా సమాధానమిచ్చాడట. “నీ చుట్టూ ఉన్న అందగాళ్లతో పోటీ పడలేక నేను అలసిపోయాను అందుకే వదిలేశాను” అని తన మనసులో మాట చెప్పాడు. అందం మరియు ఫిట్నెస్ విషయంలో ఇతరులతో పోల్చుకోవడం ఎంత ఒత్తిడికి గురిచేస్తుందో ఈ ఘటన ద్వారా తెలిసింది’ అని తెలిపింది.
