കൊച്ചി : രാഹുല് ഈശ്വര് സാമൂഹിക മാധ്യമങ്ങളിലൂടെ തനിക്കെതിരെ അപകീര്ത്തികരമായ പരാമര്ശം നടത്തിയെന്ന നടി ഹണി റോസിന്റെ പരാതിയില് കേസെടുക്കാന് വകുപ്പുകളില്ലെന്ന് പോലീസ്. കോടതി വഴി പരാതി നല്കണമെന്ന് കോച്ചി പോലീസ് പറഞ്ഞു. നടിയുടെ പരാതിയില് രാഹുല് ഈശ്വര് പ്രതിയല്ലെന്നും പോലീസ് കോടതിയില് റിപ്പോര്ട്ട് നല്കി.
രാഹുല് ഈശ്വറിന്റെ മുന്കൂര് ജാമ്യാപേക്ഷയില് അറസ്റ്റ് തടയാതിരുന്ന കോടതി പോലീസിനോട് റിപ്പോര്ട്ട് തേടിയിരുന്നു. ഹർജി ഫയലില് സ്വീകരിച്ച ഹൈക്കോടതി ഈ മാസം 27ന് പരിഗണിക്കുന്നതിനായി മാറ്റിവെക്കുകയായിരുന്നു.
എറണാകുളം സെന്ട്രല് പോലീസിലാണ് ഹണി റോസ് പരാതി നല്കിയത്.
തൃശ്ശൂര് സ്വദേശിയും രാഹുലിനെതിരെ പരാതി നല്കിയിട്ടുണ്ട്. സാമൂഹിക മാധ്യമങ്ങളിലൂടെ രാഹുല് ഈശ്വര് തനിക്കെതിരെ സംഘടിത ആക്രമണം നടത്തുന്നുവെന്നാണ് ഹണി റോസിന്റെ പരാതി.
