22
November, 2026

A News 365Times Venture

22
Sunday
November, 2026

A News 365Times Venture

Current Charges Increased: విద్యుత్ వినియోగదారులకు బిగ్ షాక్.. పెరిగిన కరెంట్ ఛార్జీలు.. ఒక్కో యూనిట్‌కు ఎంతంటే..

Date:

తెలంగాణలోని విద్యుత్ వినియోగదారులకు డిస్కంలు షాకిచ్చాయి. రాష్ట్రంలోని విద్యుత్ పంపిణీ సంస్థలైన ఎస్పీడీసీఎల్ (TGSPDCL), ఎన్పీడీసీఎల్ (TGNPDCL) పరిధిలో ట్రూ-అప్ ఛార్జీల వసూళ్లకు తెలంగాణ విద్యుత్ నియంత్రణ మండలి (టీజీఈఆర్సీ) అధికారికంగా అనుమతిస్తూ ఉత్తర్వులు జారీ చేసింది. గత ఆర్థిక సంవత్సరాలకు సంబంధించి విద్యుత్ కొనుగోలు వ్యయం, ఆదాయ వ్యత్యాసాల కారణంగా ఏర్పడిన ట్రూ-అప్ భారాన్ని వినియోగదారులపై మోపేందుకు రంగం సిద్ధమైంది.

ఈ నిర్ణయం ప్రకారం రాబోయే నవంబర్ నెల నుంచి వినియోగదారుల బిల్లులలో ట్రూ-అప్ ఛార్జీలు ప్రత్యక్షం కానున్నాయి. విద్యుత్ సంస్థలు నవంబర్ నెల నుంచి ఒక్కో యూనిట్‌పై 30 పైసల చొప్పున, డిసెంబర్ నుంచి యూనిట్‌కు 50 పైసల చొప్పున ఈ ఛార్జీలను వసూలు చేయనున్నాయి. అయితే.. వ్యవసాయ రంగానికి ప్రభుత్వం ఇస్తున్న ఉచిత విద్యుత్ విధానాన్ని కొనసాగిస్తూ… వ్యవసాయ కనెక్షన్లకు ఈ ట్రూ-అప్ ఛార్జీల నుంచి మినహాయింపు ఇచ్చారు.

మొత్తం రూ. 7,635.22 కోట్ల ట్రూ-అప్ మొత్తంలో… వ్యవసాయ రంగానికి సంబంధించిన రూ. 2,214.99 కోట్లను ప్రభుత్వమే భరించాలని ఈఆర్సీ స్పష్టం చేసింది. దీనికి సంబంధించి ఎస్పీడీసీఎల్ పరిధిలో రూ. 1,442.49 కోట్లు, ఎన్పీడీసీఎల్ పరిధిలో రూ. 772.50 కోట్లను ప్రభుత్వ సబ్సిడీ ద్వారా రాబట్టుకోవాలని డిస్కంలను ఆదేశించింది. ఇక మిగిలిన రూ. 5,420.23 కోట్లను (ఎస్పీడీసీఎల్ పరిధిలో రూ. 4,222.93 కోట్లు, ఎన్పీడీసీఎల్ పరిధిలో రూ. 1,197.30 కోట్లు) మాత్రం గృహ, వాణిజ్య తదితర ఇతర అర్హత కలిగిన విద్యుత్ వినియోగదారుల నుంచి వసూలు చేయనున్నారు.

ఈ వసూళ్ల ప్రక్రియను క్రమపద్ధతిలో అమలు చేయాలని ఈఆర్సీ స్పష్టం చేసింది. ఎస్పీడీసీఎల్ పరిధిలోని వినియోగదారులు 29 నెలల పాటు, ఎన్పీడీసీఎల్ పరిధిలోని వినియోగదారులు 26 నెలల పాటు ఈ ఛార్జీలను చెల్లించాల్సి ఉంటుంది. వినియోగదారుల బిల్లుల్లో ఈ ట్రూ-అప్ మొత్తాన్ని ప్రత్యేకంగా స్పష్టంగా ముద్రించాలని, ఇతర ఛార్జీలతో కలపకుండా ఏ ఆర్థిక సంవత్సరానికి ఆ సంవత్సరం వివరాలను విడిగా చూపాలని డిస్కంలను ఆదేశించారు. ఈ భారంపై వినియోగదారుల్లో ఆందోళన వ్యక్తమవుతోంది.

 

Source link

LEAVE A REPLY

Please enter your comment!
Please enter your name here

Share post:

Popular

More like this
Related

Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!

ఉత్తరప్రదేశ్‌లోని సహారన్‌పూర్‌లో ఆసక్తికర ఘటన చోటుచేసుకుంది. ఏఐఎంఐఎం అధినేత, హైదరాబాద్ ఎంపీ...

ചക്കുളത്ത് കാവ് പൊങ്കാലക്കിടെ ഇറച്ചിക്കടകളും മീന്‍ കടകളും തുറക്കരുതെന്ന് ആലപ്പുഴയിലെ തിരുവന്‍വണ്ടൂര്‍ പഞ്ചായത്ത്

ആലപ്പുഴ: ആലപ്പുഴയില്‍ ചക്കുളത്ത് കാവ് പൊങ്കാല നടക്കുന്ന ദിവസങ്ങളില്‍ സമീപ പ്രദേശങ്ങളിലെ...

”தவெக ஆட்சி நீடிக்காது என தன் ஆசையை ஸ்டாலின் வெளிப்படுத்தி வருகிறார்”- பெ.சண்முகம்!

தஞ்சாவூர் மாவட்டம், பிள்ளையார்பட்டியில் உள்ள மாரியம்மன் கோவிலுக்குச் சொந்தமான 23 ஏக்கர்...

Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..

భారత క్రికెటర్ యుజ్వేంద్ర చాహల్ రాజకీయాల్లోకి అడుగుపెట్టారు. ఆయన ఈరోజు భారతీయ...