தேர்தல் முடிவுகளுக்குப் பிறகு, தமிழக வெற்றிக் கழகத்தில் மாற்றுக் கட்சியினர் பலர் தொடர்ந்து இணைந்து வருகின்றனர்.
இதை முதன் முதலில் தொடங்கி வைத்தவர்கள் அதிமுக அதிருப்தி எம்.எல்.ஏக்களான இசக்கி சுப்பையா, ஜெயக்குமார், சத்தியபாமா, மரகதம் குமரவேல் ஆகியோர்.
அதன்பின், தொடர்ந்து தவெகவில் பல்வேறு அரசியல் பிரமுகர்கள் இணைந்து வருகின்றனர்
இன்று பனையூரில் உள்ள தலைமை அலுவலகத்தில் சிலர் தவெகவில் இணைந்தனர். அதில் முக்கியமான பிரமுகர்கள்…
விஜயதாரணி:
காங்கிரஸ் சார்பில் போட்டியிட்டு விளவங்கோடு தொகுதியில் நின்று மூன்று முறை எம்.எல்.ஏ-வாக வெற்றிப் பெற்றவர் இவர். ஆனால், 2024-ம் ஆண்டு பாஜகவிற்கு மாறினார்.
கையோடு தனது எம்.எல்.ஏ பதவியையும் ராஜினாமா செய்தார் விஜயதாரணி.
கடந்த தேர்தலில், விளவங்கோடு தொகுதியில் போட்டியிட்டார் இவர். ஆனால், அந்தத் தொகுதியைத் தட்டி சென்றது காங்கிரஸ்.
தேர்தல் சமயத்தில் தன்னுடன் ஒத்துழைக்கவில்லை என்று பாஜக மீது அதிருப்தியில் இருந்த விஜயதாரணி, இன்று தவெகவில் இணைகிறார்.
அதிமுக முன்னாள் அமைச்சர் கே.டி. பச்சைமால்,
அதிமுக முன்னாள் நாடாளுமன்ற உறுப்பினர், வடசென்னை தெற்கு மாவட்டக் கழக செயலாளர் நா. பாலகங்கா,
அதிமுக முன்னாள் நாடாளுமன்ற உறுப்பினர் ஆர்.வனரோஜா,
அதிமுக முன்னாள் நாடாளுமன்ற உறுப்பினர், கொள்கை பரப்பு பொதுச்செயலாளர் ஏ.இளவரசன்,
திருநெல்வேலி முன்னாள் மேயர் E.புவனேஸ்வரி,
இப்படி அதிமுக, திமுக, பாஜக சார்ந்த பிரமுகர்களும், வழக்கறிஞர்கள், தொழிற்சங்கத்தினரும் இன்று தவெகவில் இணைந்துள்ளனர்.
