യു​വാ​വി​നെ ത​ട​ഞ്ഞു നി​ർ​ത്തി മ​ർ​ദ്ദിച്ച് അ​വ​ശ​നാ​ക്കി : ര​ണ്ടുപേ​ർ പിടിയിൽ

കൊല്ലം: യു​വാ​വി​നെ ത​ട​ഞ്ഞു നി​ർ​ത്തി മ​ർ​ദി​ച്ച് അ​വ​ശ​നാ​ക്കി​യ കേ​സി​ൽ നി​ര​വ​ധി ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​യ ര​ണ്ടുപേ​ർ പൊ​​ലീ​സ് പി​ടി​യി​ൽ. ക​ന്നി​മേ​ൽ ചേ​രി വേ​നൂ​ർ വ​ട​ക്ക​തി​ൽ ഉ​ണ്ണി​ക്കു​ട്ട​ൻ എ​ന്ന നി​ഥി​ൻ ദാ​സ് (30), ക​ന്നി​മേ​ൽ ചേ​രി, തെ​ക്കേ​ത്ത​റ​യി​ൽ പാ​വൂ​ര​ഴി​ക​ത്ത് മി​ന്ന​ൽ ഗി​രീ​ഷ് എ​ന്ന ഗി​രീ​ഷ് (44) എ​ന്നി​വ​രാ​ണ് ശ​ക്തി​കു​ള​ങ്ങ​ര പൊ​​ലീ​സി​ന്‍റെ പി​ടി​യി​ലാ​യ​ത്.

ക​ഴി​ഞ്ഞ വെ​ള്ളി​യാ​ഴ്ച രാ​ത്രി 11-ന് ആണ് കേസിനാസ്പദമായ സംഭവം. മ​ണ്ണൂ​ർ​കാ​വ് ദു​ർ​ഗദേ​വി ക്ഷേ​ത്രോ​ത്സ​വ​ത്തി​നോ​ട് അ​നു​ബ​ന്ധി​ച്ച് ന​ട​ന്ന ഗാ​ന​മേ​ള ക​ണ്ടുമ​ട​ങ്ങു​ക​യാ​യി​രു​ന്നു ബി​ജു​കു​മാ​റും സു​ഹൃ​ത്ത് ജ​യ​നും. പ്ര​തി​ക​ൾ ജ​യ​നെ ത​ട​ഞ്ഞ് നി​ർ​ത്തി അ​കാ​ര​ണ​മാ​യി ചീ​ത്ത​വി​ളി​ക്കു​ന്ന​ത് ചോ​ദ്യം ചെ​യ്ത ബി​ജു​കു​മാ​റി​നെ ഇ​രു​വ​രും ചേ​ർ​ന്ന് മ​ർദ്ദിക്കു​ക​യും പ്ര​തി​ക​ളി​ൽ ഒ​രാ​ൾ കൈ​യി​ൽ ധ​രി​ച്ചി​രു​ന്ന ഇ​ടി​വ​ള കൊ​ണ്ടുത​ല​യി​ൽ ഇ​ടി​ക്കു​ക​യും ചെ​യ്തു. ഇ​ടി​വ​ള ഉ​പ​യോ​ഗി​ച്ചു​ള്ള മ​ർ​ദന​ത്തി​ൽ ബി​ജു​കു​മാ​റി​ന്‍റെ മൂ​ക്കി​ലെ അ​സ്ഥി​ക്ക് പൊ​ട്ട​ലു​ണ്ടായിട്ടുണ്ട്. ​

തുടർന്ന്, ബി​ജു​കു​മാ​ർ ശ​ക്തി​കു​ള​ങ്ങ​ര പൊലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഇ​വ​രെ അ​റ​സ്റ്റ് ചെ​യ്യു​ക​യാ​യി​രു​ന്നു. തൃ​ശൂ​ർ പൊലീ​സ് സ്റ്റേ​ഷ​നി​ൽ പോ​ക്സോ കേ​സി​ൽ പ്ര​തി​യാ​യ ഉ​ണ്ണി​കു​ട്ട​ൻ, വി​വി​ധ സ്റ്റേ​ഷ​നു​ക​ളി​ലാ​യി 17 ക്രി​മി​ന​ൽ കേ​സു​ക​ളി​ൽ പ്ര​തി​യാ​ണ്. കൂ​ടാ​തെ, കാ​പ്പാ നി​യ​മ​പ്ര​കാ​രം പൂ​ജ​പ്പു​ര സെ​ന്‍റ​ട്ര​ൽ ജ​യി​ലി​ൽ ശി​ക്ഷ അ​നു​ഭ​വി​ച്ചി​ട്ടു​ള്ള ആ​ളാ​ണ്.

കൂ​ട്ടു​പ്ര​തി​യാ​യ ഗി​രീ​ഷ് ദി​വ​സ​ങ്ങ​ൾ​ക്ക് മു​മ്പാണ് കൊ​ല​പാ​ത​ക​ശ്ര​മ കേ​സി​ൽ ജ​യി​ൽ ശി​ക്ഷ ക​ഴി​ഞ്ഞ് പു​റ​ത്തി​റ​ങ്ങി​യ​ത്. ഇ​യാ​ളു​ടെ പേ​രി​ൽ വി​വി​ധ സ്റ്റേ​ഷ​നു​ക​ളി​ലാ​യി ഒ​ട്ടേ​റെ ക്രി​മി​ന​ൽ കേ​സു​ക​ൾ നി​ല​വി​ലു​ണ്ട്.

ശ​ക്തി​കു​ള​ങ്ങ​ര പൊ​ലീ​സ് ഇ​ൻ​സ്പെ​ക്ട​ർ ബി​നു വ​ർ​ഗീ​സി​ന്‍റെ നേ​തൃ​ത്വ​ത്തി​ൽ എ​സ്ഐമാ​രാ​യ ആ​ശ, കെ.​ജി ദി​ലീ​പ്, ഡാ​ർ​വി​ൻ, അ​ജ​യ​ൻ എഎ​സ്ഐ രാ​ജേ​ഷ്, എ​സ് സിപിഒ ശ്രീ​ലാ​ൽ എ​ന്നി​വ​ര​ട​ങ്ങി​യ സം​ഘ​മാ​ണ് ഇ​വ​രെ അ​റ​സ്റ്റ് ചെ​യ്ത​ത്. പ്രതികളെ കോടതിയിൽ ഹാജരാക്കി.