മഹീന്ദ്ര ഥാർ എസ്‌യുവി 1,00,000 യൂണിറ്റ് ഉൽപ്പാദനമെന്ന നാഴികക്കല്ല് പിന്നിട്ടു
രാജ്യത്തെ പ്രധാന ഓഫ്‌റോഡ് മോഡലായ ഥാർ എസ്‌യുവി 1,00,000 യൂണിറ്റുകൾ നിർമ്മിക്കുകയെന്ന നാഴികക്കല്ല് പിന്നിട്ടതായി പ്രഖ്യാപിച്ച് മഹീന്ദ്ര ആൻഡ് മഹീന്ദ്ര. ഉൽപാദനം ആരംഭിച്ച് 2.5 വർഷത്തിനുള്ളിലാണ് ഈ നാഴികക്കല്ല് മറികടന്നത്. കുറച്ച് മാസങ്ങൾക്ക് മുമ്പാണ് മഹീന്ദ്ര, ഉപഭോക്താക്കൾക്ക് കൂടുതൽ ആക്‌സസ് ചെയ്യാവുന്ന തരത്തിൽ പുതിയ ഥാർ RWD അവതരിപ്പിച്ചത്.
“മഹീന്ദ്ര ഥാർ 100,000 യൂണിറ്റുകളുടെ ഈ സുപ്രധാന നാഴികക്കല്ലിലെത്തുന്നതിൽ ഞങ്ങൾക്ക് അഭിമാനമുണ്ട്. അഡ്വഞ്ചർ, ലൈഫ്‌സ്‌റ്റൈൽ പ്രേമികളുടെ ഹൃദയം കീഴടക്കിയ ഒരു എസ്‌യുവിയാണിത്. ഹാർഡ്‌കോർ ഓഫ്-റോഡർ എന്നതിൽ നിന്ന് സ്വാതന്ത്ര്യത്തിന്റെയും അഭിനിവേശത്തിന്റെയും ആത്യന്തിക ലൈഫ്‌സ്‌റ്റൈൽ എസ്‌യുവിയുടെയും പ്രതീകമായ വാഹനമായി ഥാർ പരിണമിക്കുന്നത് ഞങ്ങൾ കണ്ടു. ഒരു ക്യാമ്പിംഗ് സാഹസികതയോ അല്ലെങ്കിൽ സുഹൃത്തുക്കളുമൊത്തുള്ള വാരാന്ത്യ അവധിക്കാലമോ ആകട്ടെ, ഥാർ നിരവധി ഓർമ്മകളുടെയും യാത്രകളുടെയും ഭാഗമാകുന്നത് കാണുന്നതിൽ ഞങ്ങൾ ത്രില്ലിലാണ്. ഞങ്ങളുടെ ഉപഭോക്താക്കളോട് ഥാറിനോടുള്ള വിശ്വാസത്തിനും സ്നേഹത്തിനും ഞങ്ങൾ നന്ദിയുള്ളവരാണ്, കൂടാതെ എല്ലാ ദിവസവും അസാധാരണമായ അനുഭവങ്ങൾ നൽകാൻ ഞങ്ങൾ പ്രതിജ്ഞാബദ്ധരുമാണ്.” മഹീന്ദ്ര ആൻഡ് മഹീന്ദ്ര ലിമിറ്റഡ് ഓട്ടോമോട്ടീവ് ഡിവിഷൻ പ്രസിഡന്റ് വീജയ് നക്ര പ്രതികരിച്ചു.
മഹീന്ദ്ര ഥാർ 4×4, RWD വേരിയന്റുകളിൽ ലഭ്യമാണ്, മാനുവൽ, ഓട്ടോമാറ്റിക് ട്രാൻസ്‌മിഷനുകളുള്ള ഡീസൽ, പെട്രോൾ മോട്ടോറുകൾക്കൊപ്പം. എഞ്ചിൻ ഓപ്ഷനുകളിൽ 116 ബിഎച്ച്പി നൽകുന്ന 1.5 ലിറ്റർ ഡീസൽ, 130 ബിഎച്ച്പി 2.2 ലിറ്റർ ഡീസൽ, 150 ബിഎച്ച്പി 2.0 ലിറ്റർ പെട്രോൾ എന്നിവയാണ് ഉൾപ്പെടുന്നത്. എന്നാൽ 1.5 ലിറ്റർ ഡീസൽ RWD വേരിയന്റുകൾക്ക് മാത്രമേ ലഭ്യമാകൂ. പെട്രോൾ 4×4, RWD വേരിയന്റുകളിലും ലഭ്യമാണ്. അതേസമയം, 9.99 ലക്ഷം രൂപ മുതൽ ആരംഭിക്കുന്ന ഥാറിന്റെ വില, മെക്കാനിക്കൽ ലോക്കിംഗ് ഡിഫറൻഷ്യലോടുകൂടിയ LX ഡീസൽ 4×4ന് 16.49 ലക്ഷം രൂപ (എക്‌സ്-ഷോറൂം) വരെയാണ്.