தீபாவளி பண்டிகை இன்று கொண்டாடப்படுகிறது. பொதுமக்கள் புத்தாடை அணிந்து, பட்டாசு வெடித்து மகிழ்ச்சியை வெளிப்படுத்துவார்கள்.
இதையொட்டி, காலை 6 மணி முதல் 7 மணி வரையிலும், மாலை 7 மணி முதல் 8 மணி வரை மட்டுமே ஒலி எழுப்பும் பட்டாசுகளை வெடிக்க வேண்டுமென நேரக் கட்டுப்பாடு உள்ளது.
எனவே, பட்டாசு வெடிக்க அனுமதிக்கப்பட்ட நேரத்தில் பொதுமக்கள் குறைந்த ஒலியுடன், குறைந்த காற்று மாசு ஏற்படுத்தும் பட்டாசுகளை மட்டுமே வெடிப்பது நல்லது.
பட்டாசு கழிவுகளை குப்பைத்தொட்டியில் கொட்டக்கூடாது எனவும், தனியாக சேகரித்து தூய்மைப் பணியாளர்களிடம் ஒப்படைக்க வேண்டுமென மாநகராட்சி அறிவுறுத்தியுள்ளது.
மேலும், பட்டாசு வெடிக்கும்போது செய்ய வேண்டியவை – செய்யக்கூடாதவை என்ற பட்டியலையும் வெளியிட்டிருக்கிறது.
பட்டாசு வெடிக்கும்போது செய்ய வேண்டியவை (Do’s)
-
அங்கீகரிக்கப்பட்ட விற்பனையாளர்களிடமிருந்து மட்டுமே பட்டாசுகளை வாங்க வேண்டும்.
-
பட்டாசுகளை எப்போதும் மூடிய கொள்கலனில் (Closed Container) பாதுகாப்பாகச் சேமித்து வைக்கவும்.
-
திறந்த வெளியில் மட்டுமே பட்டாசுகளை வெடிக்க வேண்டும். சுற்றியுள்ள பகுதிகளில் எரியக்கூடிய அல்லது தீப்பற்றக்கூடிய பொருட்கள் இல்லை என்பதை உறுதிப்படுத்திக் கொள்ளுங்கள்.
-
பட்டாசுகளைக் கொளுத்தும்போது பாதுகாப்பான தூரத்தைப் பராமரிக்கவும்.
-
முதலுதவிக்காக, தீக்காயங்களுக்கான மருந்துகள், ஒரு வாளி நிறையத் தண்ணீர் மற்றும் தீயணைப்புக் கருவிகளை (Fire Extinguishers) கையில் தயாராக வைத்திருங்கள்.
-
தீப்பிடிப்பதைத் தவிர்க்க, பருத்தி ஆடைகளை (Cotton Clothes) அணிய வேண்டும்.
-
உங்கள் குழந்தை பட்டாசு வெடிக்கும்போது, அது உங்கள் மேற்பார்வையின் கீழ் நடப்பதை உறுதிப்படுத்திக் கொள்ளுங்கள். குழந்தைகளிடம் மிகவும் கவனமாக இருக்கவும்.
-
செவிப்பறையின் பாதிப்பைத் தவிர்க்க, காதுகளில் பஞ்சு அடைப்பான்களைப் (Cotton Plugs) பயன்படுத்தவும்.
-
உங்கள் கூரையின் மீது (Roof Top) இருக்கும் எரியக்கூடிய பொருட்களை அகற்ற மறக்காதீர்கள்.
-
பட்டாசு கொளுத்தும்போது காலணிகளை (Footwear) அணிய வேண்டும்.
-
அவசரநிலை ஏற்பட்டால், 108-ஐ அழையுங்கள்.
-
பட்டாசுக் கழிவுகளைச் சேகரித்து, தனியாக ஒரு சணல் பையில் (Gunny Bag) வைத்து, சுகாதாரப் பணியாளர்களிடம் ஒப்படைக்க வேண்டும்.
பட்டாசு வெடிக்கும்போது செய்யக்கூடாதவை (Don’ts)
-
கையிலேயே வைத்துக்கொண்டு பட்டாசு கொளுத்துவதைத் தவிர்க்கவும்.
-
எரியும் மெழுகுவர்த்திகளுக்கு அருகில் பட்டாசுகளை விட்டுச் செல்லாதீர்கள்.
-
மின்கம்பங்கள் மற்றும் மின்கம்பிகளுக்கு அருகில் பட்டாசுகளை வெடிக்கவே கூடாது.
-
பாதி எரிந்த பட்டாசுகளைத் தூக்கி எறியாதீர்கள்; அவை தீப்பற்றக்கூடிய பொருட்களின் மீது விழுந்து தீ விபத்தை ஏற்படுத்தலாம்.
-
எந்தவொரு வாகனத்திற்கு அருகிலும் பட்டாசுகளை வெடிப்பதைத் தவிர்க்கவும்.
-
பட்டாசு வெடிப்பதற்கு அதிக நேரம் எடுத்துக் கொண்டால், அதைக் கிளறுவதையோ (tampering) அல்லது சோதிப்பதையோ தவிர்க்கவும்.
-
பட்டாசுகள் அனுமதிக்கப்பட்ட நேரத்திலும், அனுமதிக்கப்பட்ட ஒலி அளவிலும் (Decibel) மட்டுமே வெடிக்கப்பட வேண்டும்.
-
பட்டாசுக் கழிவுகளை வீட்டில் உள்ள ஈரம் அல்லது உலர்ந்த கழிவுகளுடன் கலக்கக் கூடாது.
-
சென்னை மாநகராட்சி (GCC) பராமரிக்கும் கழிவுக் கொள்கலன்களில் (Compactor Bins) பட்டாசுக் கழிவுகளைக் கொட்டக் கூடாது.
இந்த வழிகாட்டுதல்களைப் பின்பற்றிப் பாதுகாப்பாகவும் மகிழ்ச்சியாகவும் கொண்டாடுங்கள்!
எனக் குறிப்பிட்டிருக்கிறது.
